Ylli argjentinas qysh në minutat e parë të takimit filloi të rrezikonte portën kundërshtare, por goli u shënua në minutën e dhjetë.

Nga penalltia, shtatë herë fituesi i Topit të Artë ia doli të mposhte me lehtësi portin kundërshtar, duke e gjuajtur topin në anën e kundërt të tij.

Me këtë gol, Messi është futur në mesin e lojtarëve legjenda që kanë shënuar në katër kampionate të ndryshme botërore (2006, 2014, 2018, 2022).

Këtë gjë, argjentinasi e bëri pas lojtarëve si, Pele, Uwe Seeler, Miroslav Klose dhe Cristiano Ronaldo.