Barcelona është vendosur t’i ofrojë Lionel Messit një marrëveshje të re me një pagë prej rreth 30 milionë euro në vit, sipas El Chiringuito.

Paga aktuale vjetore e argjentinasit thuhet të jetë rreth 71 milionë euro që do të thotë që 33-vjeçari do të duhet të ndërpresë 50 përqind të pagës nëse kjo thashetheme del të jetë e vërtetë, transmeton lajmi.net.

Barca ende po lufton financiarisht mes pandemisë së koronavirusit dhe është e mundur që Joan Laporta të largojë disa lojtarë për të lehtësuar faturën e pagave.

Marrëveshja aktuale e Messi me Blaugranët skadon në korrik, që do të thotë se ai tashmë është i lirë të diskutojë për të ardhmen e tij me klube të tjera.

Akoma nuk është vendosur përfundimisht e ardhmja e argjentinasit, mirëpo mendohet se ai do të ulë pagën e tij dhe do të jetë në Barcelonë edhe për vitet e ardhshme./RTVALDI/