• E mërkurë / Apr-08 00:25
  • Kontakt

Ilaçi i famshëm OKI, ja çka mund t’i bëjë trupit tuaj

Ilaçi i njohur si ‘Oki’ ose siç njihet ndryshe Ketoprofeni, po përdoret në përmasa shumë të mëdha në Kosovë.

Para disa muajsh, Shqipëria vendosi të ndalonte shitjen e këtij ilaçi pa recetën e mjekut mbi 40 miligramë.

Sidoqoftë, kjo masë që ndalon përdorimin pa lejen e mjekut nuk ekziston në Kosovë, dhe shitja e tij po bëhet në masë të jashtëzakonshme.

Ky ilaç redukton temperaturën, dhimbjen (e në veçanti atë të kokës) dhe inflamacionin.

Ky ilaç mund të irritojë stomakun, dhe rekomandohet ose preferohet që të merret bashkë me ushqim ose edhe me qumësht. Mjekët thonë se gjatë përdorimit të tij duhet evituar edhe përdorimin e alkoolit, pasi përdorimi kronik i tij mund të rrisë rrezikun e dëmtimit të mëlçisë ose hemorragjisë së stomakut.

Efektet anësore potenciale janë të frikshme. Ato përfshijnë sulmin në zemër, për njerëzit që kanë probleme me zemër. Goditjen në tru. Hipertensionin arterial HTA. Probleme të veshkave deri në insuficencë renale. Hemorragji dhe ulçerë në stomak. Anemi. Reaksione në lëkurë.