Barcelona thuhet se ka njoftuar këtë javë agjentin e Coutinhos, Kia Joorabchian se po planifikojnë ta shesin lojtarin këtë verë.

Skuadrat e interesuara për yllin brazilian nuk mungojnë si Manchester United, Chelsea, Liverpool dhe Paris Saint-Germain.

Megjithatë, sipas gazetës katalunase Mundo Deportivo, Coutinho e pranon se duhet të largohet dhe do të preferonte të kthehej në Liverpool.

PSG është në kontakt me Joorabchian dhe Coutinho nuk përjashton një lëvizje në Paris, por prioritet i tij thuhet se janë Reds.

Nga ana e tyre, Barcelona është e gatshme të shesë brazilian për një shifër prej 100-110 milionë eurosh.