Neymar duket nga dita në ditë edhe më pranë Realit. Madje sipas raporteve të mediumit Liberation, Neymar Snr fluturoi nga Brazili në Paris më 24 prill, ku u takua me super agjentin Pini Zahavi.

Agjenti izraelit është tani pjesë e rrethit të Neymarit dhe ndihmoi atë të transferohej nga Barcelona gushtin e kaluar për një shifër rekord botëror prej 222 milionë eurosh. Neymar Snr shkoi direkt në bisedime me Zahavin pas mbërritjes së tij, ku u kërkua që një largim nga PSG të sigurohej këtë verë.

“Neymar Snr shprehimisht i kërkoi atij që të hapte dyert e klubeve të mëdha”, zbuloi një i besuar i kampit të brazilianit. Zahavi sugjeroi disa destinacione, megjithatë një kthim në Barça dhe një lëvizje në Angli thuhet se u përjashtuan.

Gjithçka tani tregon se Real Madridi është zgjedhja e vetme për Neymarin dhe madrilenët duhet të bëjnë gati 260 milionë euro për ta marrë.