Ministri i Mbrojtjes i Izraelit i ka thënë ushtrisë së tij që të përgatisë një plan për të “lejuar çdo banor të Gazës që dëshiron të largohet ta bëjë këtë”, në përputhje me propozimin e presidentit Donald Trump që ShBA të marrë territorin dhe të rivendosë 2.1 milionë palestinezë atje.

Israel Katz tha se banorët e Gazës duhet të kenë “lirinë e lëvizjes dhe migrimit” dhe vendet kritike për luftën e Izraelit me Hamasin ishin “të detyruara” t’i pranonin ata.

Sekretari amerikan i shtetit ndërkohë këmbënguli se zhvendosja do të ishte e përkohshme gjatë rindërtimit të Gazës, megjithëse Trump kishte thënë se do të ishte e përhershme.

Udhëheqësit palestinezë dhe shtetet arabe e kanë kundërshtuar planin dhe kanë thënë se zhvendosja e detyruar do të shkelte ligjin ndërkombëtar.