Postimi i plotë i znj.Ardita Sinani:

Pata kënaqësinë të pres në Komunën e Preshevës mysafirët e nderuar:

-Z. Walter Miller, përfaqësues rajonal për migracionin nga Athina

-Znj. Carmen Wilke, eksperte për apatridinë, Uashington

-Znj. Bailey Lamb, analiste programore për Evropën në Byronë për popullsi, migrime dhe refugjatë 

Nga Ambasada e SHBA-së në Beograd:

-Z. Nicholas Enz, zyrtar i Departamentit Politik

-Znj. Alice Wolfram, zëvendëse e këshilltarit politik

-Znj. Ksenija Lazović, nga Departamenti Politik

Nga UNHCR:

-Z. Sofian Agjalli, përfaqësues i UNHCR-së

-Znj. Jelena Milonjić, nga shërbimi ligjor

-Lirije Selmani Misini, udhëheqëse e zyrës së UNHCR për jug

Diskutuam për sfidat e mëdha që komuna jonë po përballet në lidhje me krizën e migrantëve.

Presheva është një nga zonat më të prekura nga fluksi i migrantëve në Serbi dhe më gjerë, dhe sot, më shumë se kurrë, kërkojmë mbështetje për të përballuar sfidat e rënda që rëndojnë mbi komunitetin tonë.

Me burime të kufizuara uji, infrastrukturë të vjetëruar dhe papunësi të lartë, ndjejmë barrën e mikpritjes që kemi ofruar që prej vitit 2015 për më shumë se 1 milion migrantë. Ndihma ndërkombëtare është thelbësore për të zbutur krizën dhe për të mbështetur zhvillimin e komunitetit tonë.

Diskutimi me partnerët tanë u fokusua në krijimin e një bashkëpunimi më të ngushtë, ndërsa Komuna e Preshevës mbetet e angazhuar për integrimin e migrantëve në komunitet. Nuk duam që komuna jonë të ketë epitetin e një burgu për migrantët, por të jetë një vend ku integrimi dhe bashkëjetesa janë prioritet.