Fjalimi i znj.Ardita Sinani në Konferencën mbarëkombëtare "Roli i Shqipërisë në promovimin e interesave kombëtare të shqiptarëve në hapësirën e Ballkanit Perëndimor” të organizuar në MPJ të Shqiprisë

I NDERUARI MINISTËR CAKAJ,
JU PËRGËZOJ PËR KËTË INICIATIVË.

TË NDERUAR PJESËMARRËS,

KAM KËNAQËSINË DHE NDERIN TË PREZENTOJ SOT NË KËTË KONFERENCË MBARËKOMBËTARE E CILA DO TË TRAJTOJË PROBLEMET E SHQIPTARËVE NË HAPËSIRËN E BALLKANIT PERËNDIMOR, NË TË CILËN UNË SHPRESOJ QË SHQIPTARËT E LUGINËS SË PRESHEVËS TË KENË PRIORITETIN E TRAJTIMIT NGA SHTETI SHQIPTAR.

KJO JO VETËM PËR ARSYEN SE UNË VIJ NGA AI RAJON, POR QË TANI E SHUMË KOHË ËSHTË BOTËRISHT E NJOHUR SE PAKICA SHQIPTARE NË SERBI PËRBALLET ME DISKRIMINIM PERMANENT SHTETËROR.

LUGINA E PRESHEVËS EDHE PSE GJINDET NË POZITËN TË MIRË GJEOSTRATEGJIKE, MUNGOJNË INVESTITORËT E HUAJ.
BEOGRADI ZYRTAR TË NJEJTËVE I PREFERON QYTETET DHE QENDRAT LARG PRESHEVËS, BUJANOCIT E MEDVEGJËS. NUK I SUBVENCIONON BIZNESET VENDORE. SHKALLA E PAPUNËSISË ËSHTË 70%. ËSHTË RAJONI MË I PAZHVILLUAR EKONOMIKISHT NË SËRBI.

PËRFAQËSUESIT POLITIK TË SHQIPTARËVE NGA LUGINA NË MËNYRË KONSISTENTE KANË KËRKUAR QË TË JENË TË INTEGRUAR NË INSTITUCIONET SHTETËRORE SIÇ JANË GJYKATAT, POLICIA, DOGANAT, ZYRA E TATIMEVE E TË TJERA PROPORCIONALISHT ME PASQYRËN ETNIKE TË BANORËVE TË KËTYRE KOMUNAVE.

NË PERIUDHËN E PAS KONFLIKTIT TË ARMATOSUR NË LUGINË TË PRESHEVËS, ATËHERË KUR FOKUSI I INSTITUCIONEVE NDËRKOMBËTARE ISHTE MË I MADH SE ZAKONISHT, SHTETI SERB PËR SHKAK EDHE TË PRESIONIT TË TYRE KISHTE NËNSHKRUAR DISA MARRËVESHJE ME TË CILAT PARASHIHEJ INTEGRIMI I SHQIPTARËVE NË TË GJITHA INSTITUCIONET SHTETËRORE, POR EDHE REALIZIMI I TË DREJTAVE ELEMENTARE QË E NJEH ÇDO KONVENT NDËRKOMBËTARE SIÇ ËSHTË PËRDORIMI ZYRTAR I SIMBOLEVE, PËRDORIMI I GJUHËS DHE SHKRIMIT SHQIP. MIRËPO KËTO MARRËVESHJE SOT E KËSAJ DITE JANË TEPËR LARG REALIZIMIT.

NË TË KUNDËRT, GJATË PERIUDHËS NË VAZHDIM SERBIA JO QË NUK REALIZOI MARRËVESHJET E NËNSHKRUARA ME NDËRMJETËSIM TË INSTITUCIONEVE NDËRKOMBËTARE, POR NGA PRESHEVA E BUJANOCI LARGOI TOTALISHT INSTITUCIONET GJYQËSORE, TATIMORE, U RRIT DISKRIMINIMI SHTETËROR, SHPËRNGULJA MASIVE. SËRBIA PO REALIZON SPASTRIMIN NË HESHTJE NDAJ SHQIPTARËVE.

SHQIPTARËT E LUGINËS SË PRESHEVËS SIDOMOS PAS SHPALLJES SË PAVARËSISË SË KOSOVËS JANË PENG I RAPORTEVE JO NORMALE DHE KONFLIKTIT TË NGRIRË NDËRMJET KOSOVËS DHE SERBISË. PRANDAJ LUGINA KËRKON TË JETË PJESË E BISEDIMEVE NDËRMJET KOSOVËS DHE SERBISË.
KËRKON TË RESPEKTOHET VULLNETI I POPULLATËS SHQIPTARE I SHPREHUR ME REFERENDUMIN E 1 DHE 2 MARSIT TE VITIT 1992.

KY RAJON ÇDO DITË E MË SHUMË PO ZBRAZET NGA TË RINJTË TË CILËT PIKËRISHT PËR SHKAK TË DISKRIMINIMIT TË VAZHDUESHËM, MOS NJOHJEN E DIPLOMAVE, MOS HAPJEN E VENDEVE TE PUNËS DHE TË GJITHA RRETHANAVE TJERA.
E NË ANËN TJETËR SERBIA PO VAZHDON RRUGËTIMIN E VET DREJT INTEGRIMEVE EUROPIANE EDHE DUKE QENË AQ DISKRIMINUESE NDAJ PAKICËS SHQIPTARE.

KËTË KONFERENCË DUA TA SHOH SI NJË NISMË TË MBARË QË REPUBLIKA E SHQIPËRISË NË BASHKËPUNIM ME REPUBLIKËN E KOSOVËS ÇËSHTJEN E LUGINËS SË PRESHEVËS T'A VENDOSIN NË PRIORITET MBI TË GJITHA PRIORITETET TJERA, PIKËRISHT PËR SHKAK TË DEGRADIMIT TË SKAJSHËM TË POZITËS SË SHQIPTARËVE NË LUGINË. DUKE E NGRITUR KËTË ÇËSHTJE TE FAKTORI NDËRKOMBËTAR E SIDOMOS TE SHBA-të. TË JENI EDHE ZËRI JONË.

NJËKOHËSISHT UROJ QË KY TË JETË RASTI I FUNDIT NË TË CILIN EVIDENTOHEN PROBLEMET E SHQIPTARËVE NË LUGINË TË PRESHEVËS, ME SHPRESË QË NË TAKIMET E ARDHSHME TË KËSAJ NATYRË TË DISKUTOHET PËR ZGJIDHJEN E ATYRE PROBLEMEVE DHE REZULTATET E ARRITURA.
ATË QË E UROJ MË SHUMË, UNË DHE ÇDO SHQIPTAR I LUGINËS ËSHTË QË NË NJË TË ARDHME SHUMË TË AFËRT T'I JEMI BASHKANGJITUR KOSOVËS.

FALEMINDERIT!