Edhe pse Komuna e Preshevës është Komuna më e pa zhvilluar në Serbi, kjo nuk do të thotë që funksionerët politik të kësaj komunë të jënë më pak të paguar, përkundrazi z.Armend Aliu i cili është zv.Kryetar i Komunës së Preshevës si dhe zv.Kryetar i APN-së në arkën e tij personale po gjeneron mjaft të holla, sipas raportit të Revizionit dyshohet  se Armend Aliu i cili ishte angazhuar me shkollë të mesme si koordinator i zyrës për zhvillim ekonomik lokal pagën mujore e ka pasur rreth 150.000din (mbi 1250 euro) e cila është e barabartë me 6 të punësuar me shkollim të mesëm të cilët punojnë në administratën komunale.

Edhe kryeministrja e Serbisë znj.Ana Brnabic ka pagë më të ulët se ajo e z.Armend Aliu.

Në bazë të raportit të Revizionit dyshohet se Personi i cili u angazhua në emër të zyrës për zhvillim ekonomik lokal si kordinator, Armend Aliu me shkollim të mesëm nga pjesa e dytë e vitit 2016 deri në  fund të vitit 2016, nga buxheti i Komunës së Preshevës ka marrë pagë mujore rreth 150 mijë dinarë, duke përfshi këtu edhe të ardhurat të cilat i ka marrë edhe  si këshilltar i Kuvendit Komunal në vlerë prej 15.000 dinarë, ku në total i bie që kordinatori i “famshëm” i zyrës për zhvillim ekonomik lokal ka siguruar të ardhura sa gjashtë rroga të personave me shkollim të mesëm të cilët punojnë në administratë komunale .  

Lidhur me këtë Partia Demokratike Shqiptare i ka bërë kërkesë me shkrim administratës komunale që ta publikojnë  shumën prej 2 milion e 285 mijë dinarë të paguara për kontratat e kundërligjshme.