“Kjo nënkupton përkushtimin për demokraci, menaxhim të mirë dhe përgjegjësi politike nëpërmes të dialogut politik, diskutimeve kritike dhe debateve, si dhe shprehje të mendimeve kundërshtuese. Liria e shtypit ka rëndësi të madhe për çdo demokraci dhe mbetet edhe shumë punë për të bërë në këtë fushë në gjithë gjashtë shtetet e Ballkanit Perëndimor”, ka thënë McAlister për gazetën serbe “Danas”.

Sipas fjalëve të tij, shumica e gjetjeve për lirinë e medieve në Serbi në raportin e Freedom House mund të gjenden edhe në raportet e Komisionit Evropian dhe Parlamentit Evropian.

McAlister ka  pretenduar se Parlamenti Evropian kohë më parë ka miratuar qëndrimin se ndihma financiare për vendet kandidate të kushtëzohet me sundimin e ligjit, të drejtave të njeriut dhe demokracisë. Që kjo të shndërrohet në ligj, është i nevojshëm miratimi i Këshillit të Bashkimit Evropian.

Duke folur për dialogun në mes të Kosovës dhe Serbisë, McAlister ka thënë se është “koha e fundit që Kosova t’i tërheqë taksat në prodhimet e Serbisë dhe Bosnjës dhe Hercegovinës dhe që dialogu të vazhdojë”.

Raportuesi ka komentuar edhe protestat kundër pushtetit të Serbisë, duke thënë se ato janë mënyrë e rëndësishme dhe legjitime që njerëzit t’i shprehin mendimet e tyre.