Arsenali ka dështuar me ofertën fillestar për transferimin e yllit të Romës, Cengiz Under.

Under po shkëlqen me Romën dhe forma e tij ka bërë që shumë skuadra të mëdha evropiane të vihen pas shërbimeve të tij.

Drejtuesi i Topçinjve Sven Mislintat po ndjek një marrëveshje të janarit për sulmuesin e Turqisë.

Sipas mediumit Tuttomercatoweb, Arsenali tashmë ka bërë një ofertë prej 32 milionë euro për yllin e Romës.

Arsenali ose secili klub që e do Underin do të duhet të afrohet me shifrën e 50 milionë eurove për ta transferuar atë.

Mislintat kishte një skaut në stadium për të parë nga afër lojtarin në humbje ndaj kundërshtarëve të Ligës së Kampionëve Viktoria Plzen këtë javë.