Është mbyllur ambasada shqiptare në Athinë.

Burime për Top Channel tregojnë se shkak për mbylljen e ambasadës është infektimi i një punëtori me COVID-19. Ai punon në sektorin e aplikimeve për pasaportë.

Punëtori ka pasur shenja të lehta të COVID-19 për disa ditë, dhe ka rezultuar pozitiv gjatë testit. Menjëherë ai është izoluar në banesën e tij, ndërsa autoritet do të gjurmojnë kontaktet e tij. Ndërkohë për të mos përhapur panik në radhët e emigrantëve, ambasada ka njoftuar se pezulloi takimet e programuara për aplikime të emigrantëve në këtë institucion.

Burime pranë ambasadës thonë se mundësia që ai të ketë infektuar persona të tjerë është e vogël, pasi stafi i kësaj ambasade mban maska dhe doreza gjatë kontakteve me emigrantët të cilët aplikojnë për shërbime konsullore dhe pasaporta biometrike.

Drejtuesi e ambasadës kanë urdhëruar stafin të bëjë testin COVID-19, ndërsa sot ambasada do të dezinfektohet. Ende nuk dihet nëse shërbimet do të ofrohen nga nesër ose jo.