Rita Ora tërheq sërish vëmendjen me veshjet ku shihet pa reçipeta

Rita Ora tërheq sërish vëmendjen me veshjet ku shihet pa reçipeta

Ajo ka qenë duke shijuar kohën me më të dashurit e saj në Ibiza, përfshirë edhe të dashurin Romain Gavras.

Por, Rita Ora nuk po i lë anash as edhe fansat e saj, të cilëve po u mundëson të shohin më afër përditshmërinë e saj.

Krijuesja e hitit “Hot Right Now” përmes një postimi në rrjetin social Instagram është shfaqur tërheqëse përmes pozave të marra.

E veshur me një bluzë të bardhë, Rita si përherë mbante një numër të konsiderueshëm të aksesorëve në disa pjesë të trupit.

Me një grim të lehtë, dukjes ajo i ka bashkangjitur edhe një shami të bardhë, të cilën e kishte lidhur në kokë.

Ajo çka po tërheq vëmendjen e ndjekësve të saj janë pozat pa reçipeta, e që kohëve të fundit janë bërë më të shpeshta.

Po ashtu, Rita do të ketë katërmbëdhjetë ditë izolim, pasi të kthehet nga Ibiza në Britani, për shkaqe të pandemisë coronavirus.