Samsung ka premtuar të rregullojë problemet që kanë gjetur shumë analistë në kamerën e Galaxy S20 Ultra.

Kompania është duke punuar në një azhurnim për të përmirësuar më tej përvojën e kamerës së pajisjes.

Vlerësimet fillestare të Galaxy S20 Ultra e kanë gjykuar atë për performancën e dobët të auto-fokusit të kamerës, zbutjen e tepërt të lëkurës dhe përpunimin e imazhit.

Çështja e autofokusit, në veçanti, ka qenë një shkak kryesor shqetësimi në mesin e analistëve pasi ata kanë vërejtur që kamera nuk arrin të përqëndrohet si duhet gjatë fotografimit ose incizimit të videos.

Problemet e tilla të aparatit fotografik zbehin imazhin e një telefoni.

Ndërsa Galaxy S20 dhe S20 + kanë një kamerë parësore 12MP me Dual Pixel PDAF, Galaxy S20 Ultra vjen me një sensorë edhe më të madh të kamerës, 108MP nga vetë Samsung.

Më poshtë është deklarata e Samsung në The Verge për të gjithë problemin:

“Galaxy S20 përmban një sistem kamerash të përparuar. Ne vazhdimisht jemi duke punuar për të optimizuar performancën dhe për të ofruar përvojën më të mirë për konsumatorët. Si pjesë e kësaj përpjekje të vazhdueshme, ne jemi duke punuar në një përditësim të ardhshëm për të përmirësuar përvojën e kamerës. ”Seria Samsung Galaxy S20 është planifikuar të dalë në shitje më 6 Mars në shumicën e rajoneve të botës.