Në lidhje me nënshkrimin e marrëveshjes për fillimin e procedurave rreth hapjes së kufirit Miratoc-Llojan në mes të qeverive të Serbisë dhe Maqedonisë ka reaguar z.Ragmi Mustafa kryetar i PDSH-së, në reagimin e të cilis thuhet:

Nënshkrimi i marrëveshjes për kalimin kufitar Miratoc-Llojan, ndërmjet dy vendeve fqinje është vetëm 1/3 e vendimit të qeverisë serbe të datës 10 nëntor 2005.

Sipas atij vendimi, njëkohësisht duhej të hapen dhe vendkalimet kufitare:Strezoc-Sopot dhe Sllavujevc -Petrovac.

Kjo, nënkupton se qeveria serbe bëhet sikur po përmbush kërkesat e shqiptarve në Luginë të Preshevës. Prandaj, kësaj i thonë MASHTRIM. Mashtrues janë dhe gjith ata që mbështesin e krekosen me këtë nënshkrim marrëveshje me vonesë kohore përplot 14 vite edhe ate vetëm në shkallën 33.3% të vendimit. Ndërsa shkalla 66.7% do të quhet SUPERMASHTRIM!

Pse të mos hapej së paku dhe pika kufitare Strezoc-Sopot e cila është shumë më e përshtatshme për transport mallrash si që kanë deklaruar dy nënshkruesit e marrëveshjes e nga ana tjetër kjo rrugë është regjionale e rendit të dytë që lidhë dy vendet fqinje prej Bujanoc-Preshevë-Kumanovë-Haraçinë-Shkup- Tetovë e gjer në Strugë përkatësisht Qafë Thanë, rruga e Iliridës që në më shumë se 300 km distancë kalon nëpër vende autoktone shqiptare.

Prandaj, qeveria serbe bashkë me kuislingët-argatët e saj në Preshevë vazhdimisht po MASHTROJNË Shqiptarët në Luginë të Preshevës.

RM