Reperja shqiptare, Doruntina Shala e njohur me emrin e artit, Tayna, vazhdon të jetë një nga emrat më të përfolur në showbizin shqiptar dhe jo vetëm.

Ajo tashmë padyshim se ka kaluar kufijtë, projektet e së cilës përveç sukseseve të mëdha në vendin tonë janë duke u shpërndarë dhe dëgjuar në vende të ndryshme të botës.

Së fundmi, projektin e saj të fundit e njëherësh të ri “Sicko”, u bë e ditur se e ka dëgjuar edhe sulmuesi i Real Madridit, Vinicius Junior, i cili publikoi një postim në rrjetet sociale.

Ky i fundit duket se vazhdon të jetë në kontakt akoma me këngëtaren shqiptare, pasi e ka ftuar atë të këndojë në Brazil.

Në opsionin pyetje- përgjigje të Doruntina Shalës në Instagram, Junior i ka thënë 23-vjeçares se dëshiron një shou në Brazil dhe një përgjigje nga ana e saj nuk ka munguar.

“Organizoje atëherë”, ka qenë përgjigja e Taynës.

Sakaq, edhe pse jemi në fund të këtij viti, Tayna është akoma duke punuar në projekte të reja dhe së shpejti pritet të prezantohen para publikut.

“Sicko” përndryshe ka kaluar shifrën e 9.5 milionë klikime në kanalin zyrtar, YouTube.