Gjatë ditës së sotme, kryetarja e degës së PVD-së në Preshevë, Ardita Sinani priti në takim koordinatorin nacional për kulturë, rini dhe sport pranë Qeverisë së Republikës së Kosovës, Rexhep Hotin.

Tema kryesore e këtij takimi ishte Programi Nacional për rini të cilin e ka përpiluar Qeveria e Republikës së Kosovës. Zoti Hoti shprehu gadishmërinë e Qeverisë së Republikës së Kosovës që në kuadër të këtij Programi, fëmijët Shqiptarë nga Lugina e Preshevës të jenë pjesë e garave nacionale që do të zhvillohen në Kosovë.

Gjithashtu u fol edhe për problemet me të cilat po ballafaqohen në vazhdimësi Shqiptarët e Luginës së Preshevës, si dhe domosdoshmërinë që ky rajon të përfshihet në fazën finale të dialogut Kosovë - Serbi.

Preshevë, 25.02.2019
Këshilli për Informim i
Partisë për Veprim Demokratik