Postimi i plotë i kryetarës së komunës së Preshevës znj.Ardita Sinani:
Anita interesohet për shkollën Graniti për sportin. Fatimja për artin Lirimi për gjelbërimin. Bujari për punësimin. Berati për teknologjinë.
Janë social. Janë ambicioz. Janë modern. Plotë pozitivitet. Plotë përkushtim. Për njeriun. Për shoqërinë.
Mësojmë prej tyre. Ndjejmë. Dashurinë për njerëzoren. Dashurinë për të përbashkëtën
Nevojat i kanë të veçanta. Të drejtat e barabarta
Disa punë nuk mund t’i bëjnë, por shumë të tjera po. Edhe më mirë se të tjerë
Prandaj solidariteti është para së gjithash detyrë e atyre që kanë nevoja të zakonshme. Përkrahja është mbi gjithash obligim i institucioneve
Si Qendra për Punë Sociale, të cilën e falenderoj për punën që po bën çdo ditë në këtë drejtim. Për gjithëpërfshirje dhe mundësi për të gjithë
Këtë përkushtim të përditshëm e shënuam sot simbolikisht në drejtimin e drejtorit z.Liridon Latifi, me rastin e 3 dhjetorit, Ditës ndërkombëtare të personave me nevoja të veçanta.
Me një program artistik për fëmijët me nevoja të veçanta, prindërit dhe miqtë e tyre
Vazhdojmë. Sot. Nesër. Çdo ditë.
Më shumë për ata që kanë më tepër nevojë.
Për Preshevën e Re